ივანე ჯავახიშვილის სახელობის თბილისის სახელმწიფო უნივერსიტეტის სოციალურ და პოლიტიკურ მეცნიერებათა ფაკულტეტის  დეკანის ბრძანება

სოციალურ და პოლიტიკურ მეცნიერებათა ფაკულტეტზე 2020-2021 სასწავლო წლის შემოდგომის სემესტრში შუალედური გამოცდების ჩატარების შესახებ ვბრძანებ:
1. სოციალურ და პოლიტიკურ მეცნიერებათა ფაკულტეტზე შუალედური გამოცდები ჩატარდეს მხოლოდ e-learning აკადემიური პლატფორმისა და ZOOM -ის მეშვეობით 9 ნოებრიდან - 14 ნოემბრის ჩათვლით;
 2. შუალედური გამოცდების ჩატარების ფორმატი:
1) ზეპირი გამოცდა “ზუმში” ბილეთებით მცირერიცხოვან ჯგუფებში:
1 სტუდენტის გამოკითხვა - მინიმუმ 15 წუთი;
2) წერითი გამოცდა ბილეთებით: 1 ბილეთი - მინიმუმ 4 საკითხით ბაკალავრებისთვის და მინიმუმ 2 საკითხით მაგისტრანტებისთვის; გამოცდის ხანგრძლივობა მაქსიმუმ 2 სთ.
3) ღია, ან კომბინირებული (დახურული და ღია) კითხვები/ტესტები, გამოცდის ხანგრძლივობა მაქსიმუმ 1 სთ.;
4) ესე 3-6 გვერდი ერთდღიანი ფორმატი, მაქსიმუმ 5 სთ, მოწმდება პლაგიატზე.
3. ლექტორებმა საგამოცდო ტესტები/ბილეთები უნდა წარმოადგინონ მიმდინარე წლის 28 ოქტომბრის ჩათვლით, კერძოდ:

• ტესტის 2-3 ვარიანტი;
• 10 ბილეთი საბაკალავრო საგნისთვის;
• 10 ბილეთი სამაგისტრო საგნისთვის.

შენიშვნა: ტესტების ვარიანტებსა და ბილეთებში საკითხები არ უნდა მეორდებოდეს.

4. “ZOOM” -ში გამოცდის ჩატარებისას სავალდებულოა ჩანაწერის გაკეთება;
5. ფაკულტეტის სასწავლო პროცესის მართვის სამსახურმა უზრუნველყოს დაინტერესებულ პირთათვის ბრძანების გაცნობა;
6. ბრძანება ძალაშია გამოცემისთანავე.